barzanî namrê
From the Book:
Bo Kurdistan
By:
Hazhar (1921-1991)
3 minutes
1276 views
barzanî pałewanî kurd
hîway pîr û cewanî kurd
xeberyan pê dam to mirdûy
be dîmen le berçaw win bûy
min dezanim to namrî
to le mirdin be hêztirî
***
řojêk le naw şat û çiřêk
dête ser em zewîye kuřêk
no mange, leber memkane
daykî yexsîrî turkane
bêşkey kuř: zîndanî řeşe
le řoşnayî bê beşe
ziřey zincîrî dûlayî
bote dengî lay layî
cê gagołke û dare dare
goşey zîndanî şedare
***
temen çarde sałe cwanê
be dewrî xoyda deřwanê
herçî deybînê esîre
wek daykî mil be zincîre
kurdigel meřî bê xudane
çeqeł bêrî, gurg şwane
le ḧîrsan xwênî decoşê
jîn be azadî defroşê
lê biřawe tołe bistênê
bendî xencer detrazênê
kałey mûyn heł debestê
kê heye ew pêy newestê?
kurdixoran qełit û biř deka
kurdistan giran şiř deka
turk û ’ereb debezênê
cergî şahan detezênê
dujmin le zebrî detasê
kê bê barzanî nenasê?
***
ber le şořşî barzanî
kes be kurdî nedezanî
ew kurdî be dinya nasand
hawarî be dinya geyand
leher çwar quřney dinyada
leser bej, lenaw deryada
be kê biłêy kurdistanîm
pêt dełê biłê barzanîm
caşe dujmine kurdekeş
be hoy ew bûne xawen beş
ew nanî deyxon hî ewe
lewřa girçûyan pitewe
***
barzanî şêst sałî řebeq
cê xewî taşeberdî řeq
beşat û şikêřanewe
be benden û lêřanewe
le ẍurbet û derbederî
ẍemxor û le xoşî berî
bo gelî kurd çewsayewe
qet tawêk neḧesayewe
berew azayetîy han dayn
řêgey pyawetîy nîşan dayn
dujminî bo bê hêz kirdîn
tarîkî leser labirdîn
mangî ’asmanî kurdane
bê awabûn û nemane
ewaney be mang deweřn
leřast lomey wîcdan keřn
***
barzanî babî hejaran
hetwanî dił birîndaran
şîwen şayanî to nîye
esrîn řijtin çî bo nîye
min bo derbiřînî hestim
peymanit degeł debestim
ta demirim pêt wefadarbim
çon bûm herheman hejarPen name bim
***
barzanî pałewanî kurd
hîway pîr û cewanî kurd
xeberyan pê dam to mirdûy
be dîmen leberçaw win bûy
min dezanim to namrî
to le mirdin behêztirî