jwanêkî dûr
From the Book:
Bo Kurdistan
By:
Hazhar (1921-1991)
1 minutes
759 views
şêxonado naw, zuřna jenî pîr
cefengibaz û jîr dejya le cizîr
şêxêk pêy dełê: zuřna bes lêde
le ser mirdinî gałte fiřêde
were tekyekem řîşt berdewe
pejîwan bewe le gişt kirdewe
min şêxim melam seydim ḧecim heşt
nałêm pêm dekirê bit beme beheşt
be bê toş naçim. şêxo pê kenî
řûy kirde şêx û gutî: ezbenî
min şêxonadom ne řojû, ne nwêj
carcar zuřnajen, ga goranî bêj
wek xom ḧenek çî kesî dîkenîn
mirdûy gořistan dênme pêkenîn
jyan şîrîne cîhan zor xoşe
be pûş û kiłoş xot damepoşe
ger bemin dekey şałeket bawê
řêşt bitaşe dawit pê nawê
le derwêş girtin peşîman bewe
zuřnayek bikře û řegeł min kewe
fêre zuřnabe lay letoy kuřim
ew řaste kuřme toş debye ziřim
nałêm pêm dekirê dewłemendit kem
bełam biřyarbê heta emin hem
bo hîç ahengê bebê to nařom
le dirawî şabaş beşdar be wek xom
jwanî giftî to sed hezar sałe
zuřnay min êsta leser herzałe