sitemkarî
From the Book:
Dîwanî Pîremêrd
By:
Piramerd (1867-1950)
2 minutes
704 views
hewr egrî be kuł, guł pê’ekenê
bawik û firzendî bêreḧim enwênê
nêrgiz be boney çawî mestewe
ejakê le des destawdestewe
gułałe ałay ał û wałay xoy
buwe be lekey daxî derûn boy
beřeza eřwê le pena herda
bay meynet serî eda be berda
wenewşe şêwey şînî şînî xoy
buwe be barî gerdinkeçîy boy
pîşok le xaka be xaksarî
perêşan pirçe leber hejarî
xoy le jêr xaka eşarêtewe
jineladêyî eydozêtewe
hełekok ke baw le befir esênê
bêłekan ser û binî derdênê
şingî şox û şeng be singêkî dar
singî eşkênin eyxene bazař
lawlaw ke be şew egeşêtewe
řoj řûy xoy le řoj epêçêtewe
mêxek gerdinî heł’eqirtênin
sing û berokî pê eřazênin
guł bew cwanîye eyxene menceł
cwanaw eřêjê be hełm û dûkeł
be boney bone wa eyxinkênin
amanî naden hełyepçurkênin
çîmen ke sewzey newxîzî nawe
be leqey fitboł pêpest kirawe
erxewan penay birde ber mirdû
lewîşda eyken be darî mirdû
eme naw enên seyranî behar!!
minîş ełêm: dad le dest sitemkar!