gyane ejmêrim
dûbare be nawî «bêsaranî» yewe witûyetî
From the Book:
Dîwanî Pîremêrd
By:
Piramerd (1867-1950)
1 minutes
1079 views
gyane ejmêrim, gyane ejmêrim
bo akamî merg nefes ejmêrim
katê be nîgay to gyan espêrim
tîpî firîşte gişt dêne seyrim
xom be şehîdî ’eşq ejmêrim
meqbûlî mizgewt, pesnidî dêrim
tawêk lew zułfey sewday zeretar
le gerdinma bêt be wêney zennar
qebałey ’îsa û eḧmedî muxtar
parêzgarim bin le dûtwêy mezar
ewsa firîşte dêne serînim
ta lêm bipirsin řêgay ayînim
şermî tay zułfî lûlî wek zennar
firîştekanim lê eka be yar
hîçkes natwanê biłê kuřî kêy
ya xełkî kam dêy? ya le kwêwe dêy?