cwab namh siltan bih wizîr
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
585 views
ferma be munşî şay humayûn fal:
binûs pey wezîr ḧemîde xîsal
ewweł ḧemd û şukir ḧeq biker eda
ḧeq kerden pey min to be řehnuma
padşahîy min be ton berqerar
her tonî pey min herdem mededkar
aferînit bo herdem bê ḧîsab
memnûnim kerdî bey ře’îy sewab
herçî meylit bo, herçî řezaten
supa û xezanim tufeyl řaten
er kerdî tesxîr ew merz û ew bûm
şikist day be nefis mecazîy zelûm
wêt binîş new mułk tuḧfey diłpezîr
azad ker ce bend sułtan zemîr
betał ker new mułk mufsîdey efsûn
ateş der we bend sefîney qanûn
meḧya ker ne dił nûr sermedî
řewac der eḧkam dîn eḧmedî
xezêney xeyał piř ker ne tewḧîd
teḧrîq ker be nar xeterey pelîd
mezłemey îblîs qełbiş kerden teng
seray humayûn zemîr kerden zeng
be keflemey şewq ḧucreş ker tecdîd
seyqelnuma ker be quwey teḧmîd
dîdeş be şu’ley îman ker řewşen
ḧîfziş ker ne şeř her fîtney fîten
her weqit şah dił ne text kerd cilûs
to çenî serdar ḧeqîq be mexsûs
herdû ḧazir ban ne pay text ew
ẍafiłş neken hem ruz û hem şew
řewac den be ḧukim şay wala nigîn
ta mułk e’zaş meyo be teskîn
herdû çun mehdî û mesîḧ xurûc ken
şam kufir be subiḧ îman ken řewşen
hay derwêş eḧwał sułtan zemîr
serdan ce emlak ’usmanlîy feqîr
sułtanş meḧbûs bend qanûnen
tebe’eş ne eḧkam ’urfî zebûnen
her be lutif wêş zat semedî
zahir ko în’am mesîḧ û mehdî
werne dîn pamał, mîllet me’dûmen
’alem gişt ẍerîq beḧir zelûmen
sa çun namey şa yawa be encam
siper be sa’î dewendey têzgam
řwan bî sa’î be taw û te’cîl
nameş da be dest wezîr kamîl