minacat siltan zimîr az ’iciz ḧal
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
4 minutes
673 views
awerd be xeyał tezkar û tewḧîd
pey ’ezim numaz wizû kerd tecdîd
eda kerd sunnet wîtir û teheccud
îqrar kerd be ’îciz wêş ce te’bûd
nadîm bî ce kar, xecłet bî ce ḧeq
nała be me’bûd qedîm mutłeq
zumrey sena’î’ ḧeq ce mumkînat
awerd be efkar, yeqîn best be zat
be sîfat wicûd zatiş kerd teḧqîq
’eqił û ’eqîdeş awerd be tesdîq
dest tezeřřu’ xufyeş kerd bułend
nała be me’bûd danay xudawend
îqrar kerd ce zenb mazî ce herkar
nadîm bî ce zenb, kerdiş îstîẍfar
ḧemd û şukir ḧeq bikerd mucedded
kyana dirûd nûr muḧemmed
efkar be sa’î řagey ḧuzûr kerd
zuban be sa’îl ẍenî û ẍefûr kerd
nała be endo, xiroşa be zar
be ’erz nyaz wat hey cîhandar
be ’ezîmîy wêt ’elîyî e’la
be şerefnakîy ’erş mu’ella
be ḧeq enwar wîs’et kursî
be zemzemey zîkir firîştey qudsî
be ḧeq qełem kenz řimûzen
beşq her esma ce lewḧ meḧfûzen
be ḧeq enwar cumle ḧîcabat
beşq ḧerekey seb’ey semawat
be meş’eley nûr şems û sitaran
be lamî’ey ře’d qetrey emtaran
be ḧeq ḧurmet ayey munezzel
be ḧurmet nûr enbyay muřsel
be «bît alim’imurArabic» eqsay mufexxem
be řewzey yesrîb, ke’bey mu’ezzem
be sefa û merwe, be koy ’erefat
beşq ḧacîyan mecme’ey cîhat
bew bêçaregan zumrey mezłûman
bew bênewayîy cumle me’sûman
be mezłûmîy ḧuzin, zelîlîy pîran
be nałey ḧesret zumrey esîran
be seyḧey nakam zumrey ’aşiqan
be sermestîy ḧuzin cem’ sadqan
be ab esrîn fîqey ẍerîban
be ah ḧesret dił bê nesîban
be ḧurmetî naz cumle şehîdan
be etqyay dîn zumrey zahîdan
be nałey ḧezîn seḧer xêzanit
be îxlasmendan esrîn řêzanit
be do’ay xufyey ta’et guzaran
be ab esrîn herşew bêdaran
řeḧmê ker be ḧał, derûnim xûnen
serapam ne řewq keder zebûnen
wicûdim meḧmel kogay gunahen
dił ne mel’ebey îblîs gumřahen
tal’ be camey deycûr mulḧeqen
dehen ne ḧesret xendey şefeqen
syapoşî dił ’ezaş cawîden
be subiḧ ełtaf to piř umîden
ya ḧeq pey ’îbret bendey bed xesłet
«aٔşidّû naraًArabic» ’ereq xecłet
tonî musebbîb perê her esbab
’uqdeguşay ’am, «fatiḧ alabwabArabic»
toy ẍenî û ẍefûr, toy řeḧmet numa
min sa’îl bab, geday bênewa
her’e’zam ne curim xeta necoşen
muntezîr be lutif şay xetapoşen
eger zuban bo hermû ce e’zam
ne ḧemd û şukirit zakîr bo medam
nimeyo be wesif şukirit be sena
ne hezar yekê nimebo eda
ya ḧeq bew îḧsan lamutenahî
’efum ker cew zenb xet’ey gunahî
henî tewbe bo ce kirdey mazî
ne kem îta’ey nefis û mecazî
hem necat cey bend, hem ’etay îman
be ełtaf wêt herdû ker îḧsan
«feqêPen name» dił ce ḧeq tełeb ker meqsûd
ber muḧemmed bo hezaran dirûd
posen îradey ’ezîm subḧan
mitqibûłen ce laş do’ay mezłûman
du’ay seḧerîy sułtan zemîr
eser kerd ce bab bînay bê nezîr
xoşa bew kesan ne her seḧerga
dest tezeřřu’ daro ne hewa
îcabey du’aş te’sîr kerd ne dił
sakin bî ne cay ferxunde menził