ancimin saxtin tirfîn bir şirayt silḧ û ti’îyn sifîran
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
828 views
wezîr û serdar supay terefeyn
sazan encumen cew xeymey mabeyn
cem bîn cew xeyme emîran temam
ce her zên û şên řanaşan kelam
xatîmey eqwal be sułḧ bî pagîr
şertinamey ’uhûd kerdişan temhîr
nemend ce mabeyn henî buẍiz û kîn
ce beyn herdû wezîr bî te’în
nefis lewwame hem bî be sefîr
cagîr bo ne text sułtan zemîr
xeterey pelîd hem tercuman bo
dellaley mabeyn nefis û sułtan bo
sefîr duwem nefis mulheme
fîtne tercemeş ne her sedeme
binîşo ne mułk îradey wezîr
ne îfşay qanûn nekeran teqsîr
ce îqlîm şer’ serdar mecaz
wêş bî be sefîr kebîr be diłwaz
wekîl bo ce şa be îcray meram
binîşo ne şehir emel şadkam
nutiq hem tercemey ’îşq mecaz bo
ce xeyr û ce şeř hem ser’efraz bo
sefîr duwem ulfet bî te’în
binîşo ne şehir îblîs le’în
ce beyn ulfet îblîs şeřřař
beser tercemey umûr efkar
sefîr sêyem şuhret bî me’lûm
binîşo ne şehir elxennas şûm
sem’ bî tercemey sefîr sêyem
beyn elxennas sefîr ko muḧkem
lewwame çenî mulhemey efsûn
herdû sitanan řîsaley qanûn
cewdima herdû wezîr supa
pey îcray umûr şaşan kerd aga
çun herdû sułtan muxber bîn ne kar
herdû kerdişan qebûl efkar
heryek be wezîr wêş wana teḧsîn
perê her sefîr ferman bî te’în
sułtan zemîr bêhoş kemfam
be ḧîley îblîs weytewr kefit ne dam
dinya perist bî ’îşq mecazî
be zîb û zînet kerdişan řazî
«feqêPen name» nedîmş bed bo her sułtan
axirçun sułtan dił mebo buryan