agah yaftin alxinas az amdin sirdar
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
530 views
elxennas ce ḧał supa bî aga
der leḧze ’erze înşa kerd pey şa
ha ce mułk şer’ supay bê şumar
aman be îmdad wezîr efgar
’îşq macazî supehsalaren
saḧêb tac û text, hem namdaren
êden wezîfey bendey can fîdat
muttelî’ kem şah ce her waqî’at
’erzeş kerd temhîr siperd be qasîd
qasîd kota kerd terîq be’îd
’erze teqdîm kerd be ḧuzûr şah
emirş kerd debîr ’erîzeş wana
sułtan bêbak nefis ehremen
ce endêşey kar saza encûmen
emirş kerd wanan ’erîzey serdar
ře’îş tełeb kerd ce umûr kar
serhengan heryek aman be cewab
herkes be ře’yê beyan kerd sewab
cewdem ezazîl wezîr ewla
aşûbey dewran kerîh gumřa
’erz kerd padşam her êden tedbîr
řewan key supa bê sebir û te’xîr
er řuxset bexşo wenem şehryar
min meşû we řezim ḧerbey karzar
ce yumin û îqbał şay humayûn feř
supa û merz û bûm mekem musexxer
şikofa derdem sułtan ce şadî
pey cem’ supa kerdin munadî
be we’dey de řoz te’cîl kerd ne kar
cem kerd pey wezîr supay bê şumar
yazdehem wezîr be te’cîl û tab
řewan bî çenî supay bê ḧîsab
îblîs ha ne řay wêş meko guzer
ce herdû ordû to bişnew xeber