’irzih nuştin alxinas bih şah xudiş
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
513 views
cewdima serdar kerdiş îşare
ye’nî elxennas dû řûy mekkare
watiş be debîr: ’erze ker înşa
fetḧinamey fitûr perê şehenşa
ce feř îqbał padşahî to
şikist dam we tîp wezîr şiko
dimay qetił û ’am şiksitey duşmen
dû pehlewanş meḧfûzen ce ben
wezîr hem ce beyn ḧerbey karzar
wêş kerden penhan xendeq û ḧesar
kerden dexałet be îqbał şa
muhłetiş darûn be we’dey yek ma
kerdenim mewqûf ḧerbey karzar
emirit herçî hen zû biker îzhar
’erzeş temam kerd siperd be sa’î
sa’î çun terkeş ne qews bî řahî
bê aram qasîd yawa be meqsûd
’erzeş teqdîm kerd, be şa kerd sucûd
şa ferma ’erzeş derleḧze wanan
ce şadî sułtan xuřřem bî xendan
fetḧinamey serdar şa perê te’zîm
bexşa beşaret be hersê îqlîm