byan nifis bişrî ke ne nu’ ast
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
833 views
nefis beşerî new’iş no qîsmen
her qîsimş metbû’ yek qelb û cîsmen
merzîye: ce kar sewab kahîlen
perê ekil û şurb sext ne te’cîlen
nefis lewwame: ce şeř û sewab
be fî’il herdû mekero şîtab
dimay her guna tewbe meko qest
çun yawa be fîsq medero şikest
nefis mulheme xeyriş qelîlen
xeterey qelbiş be şeř ma’îlen
daym ce kirdey gunah ’ezîmen
pey teskîn maço xuda řeḧîmen
nefis mutme’în ’edûy buzurgen
herdem ce gelley sewab çun gurgen
be koh gunay wîş nimezano
kahê gunay ẍeyr be koh mewano
nefis ’îşqîye xeylê załmen
’enîd û cehûl, ’edûy ’ałemen
ce laşan nezer ḧesna ḧełałen
maçan îmtîḧan sun’ celalen
ce efkar wêş her wêş sîddîqen
cumle xela’îq ce laş zîndîqen
nefis feqîre nedaro ta’at
bê selat û sewm bê fîtir û zekat
ta’at cîsmî û ḧerekey zûban
şîrk ekberen ce laş her zeman
ce laş fîkir dił ’eyn ta’eten
ta’at cîsmî řyayî û tamaten
mezhebiş cebren «da’im alimdamArabic»
yeksanen ce laş ḧełał wiḧeram
nefis û cesediş herdem zelîlen
celay wêş terîq feqirş delîlen
nefis natîqe ekser şa’îren
ḧazir ne cewab zuban aweren
eẍłeb meylşan çeng û řebaben
meşẍûł mestî û bezim û şeraben
istîhza meken be ke’be û zahîd
meddaḧen ce wesif şerab û şahîd
wêşan be ’arîf, zahîd be nadan
sufîyan we xam û salûs mewanan
ekserş mezheb cebirş ’adeten
ne meşẍełey fîkir kem ’îbadeten
nefis kamîle sakînen herdem
sabîren ce emir tefrîḧ û sitem
da’îm meşẍûłen be tewa û ta’et
ce gunah wêş daro nedamet
ne řenc û te’eb nemebo melal
meşẍûłen herdem be kesb ḧełał
tabî’ be ’eqłen, merd muslîmen
yeqînş qaym, teb’iş selîmen
ře’is her nefis nefis emmare
mu’arezey ew nedaro çare
îsimş ce qur’an ḧeq kerden eda
«alaٔmarةû bisu’î alfiḧşaArabic»
sermayey fesad, fîsq û fucûren
goş, çeşim dił bew keř û kûren
er mułk dinya ce lay wêş ko cem
wêş be bê newa mebîno be çem
penahim be ton ḧemîd û mecîd
ḧîfzim ker ne şeř emmarey pelîd
be ḧurmet nûr nebîyî huda
nefis kamîle wenem ker ’eta
«feqêPen name» ha enwa’ nefis bî temam
ber muḧemmed bo selat û selam