byan aqlîm awil ke siltanş ruḧ ast

From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
 3 minutes  627 views
ewweł beyan kem îqlîm ewweł
ne her heşt îqlîm nedaro bedeł
îqlîm ewweł memdûḧ ’amen
îsimş me’rîfet ’alî meqamen
xakiş ze’feran, abiş ḧeyaten
dirextiş ’ûden, mîskiş nebaten
ebnyeş çînî, narşan nûren
zer’işan ’enber qend û kafûren
yek şehir ’ezîm meşhûren new ca
îsimş se’adet piř zer’ û supa
xeşye û qena’et, teslîm û řeza
hem ’edil û îman, hem ḧîlim û ḧeya
ye gişt îsim şehir qesebey qezan
mulḧeqen bew şehir se’adet nîşan
cew îqlîm mułk řoḧ padşahen
saḧêb bezim û řezim zer’ û supahen
şemmê ce etwar řoḧ kerûn te’rîf
zatiş bê çûnen, sîfatiş letîf
cesîm cenaḧ, qudsî etwaren
tayr teyyar, bestey efkaren
her ga meyliş bî cenaḧ ko guşad
bê an ce eflak bermeşo çun bad
er zatiş mestûr, wesfiş ’eyanen
merḧele peymay kewn û mekanen
bêdarî û yeqîn text û tacşen
şahan eyyam gişt muḧtacşen
nîşten ne řûy text cemşîd cemca
xerqey řyazet poşan we bała
çun meh ser kêşan be ewc şahî
zêwer kerden tac zeřřîn kulahî
telẍiraf fîkir besten pey bała
teḧrîr ’erziş pey ’erş e’la
ne her heşt îqlîm ew şehenşahen
we her merz û bûm cîhan řewahen
ta ne text cîsim taciş ’eyanen
îqlîm wicûd gişt pasebanen
baqîy tacdaran îqlîm wicûd
gişt ce feyz ew yawan be meqsûd
mestûr ’amen, peyda û penhanen
mî’mar kunnidey herdû cîhanen
cawîdanîyen ce mułk beqa
bend teqdîren amanit ney ca
yosif cemałen ce mułk ûla
be ex qeder benden ne sufla
hem řoḧ bî ne çeng duřendey ẍuřřan
řeha kerd selman ce ab ’uryan
hem řoḧ bî be emir padşay e’zem
bî be nerdeban ’urûc xatem
hem řoḧ da cewab be mûsay kelîm
ye’nî ẍezalî bî nuqtey te’zîm
hem řoḧ bî be emir xellaq wedûd
zumrey firîştan pêş kerdin sucûd
adem ta xak bî bê qedir û qîmet
be şeref řoḧ yawa be ’îzzet
er nefis û îblîs elxennas şûm
wêşan be ’edûy řoḧ kerden me’lûm
ce ayey qedîm ḧeq kerden îzhar
perê her nebî ’edûm dan qerar