minacat mؤlif bar dum
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
558 views
be ’îzzet wêt danay dadger
ser azadim ker řoz meḧşer
ce wezin mîzan, ḧîsab û sîrat
’efûm ker be lutif ce her waqî’at
ce nezi’ su’al nekîr û munker
ce zelaley ḧeşir, sîrat û seqer
ẍeyr ce zat to ’elîm dana
nîyen ce dareyn melce’ û pena
er to nepersî dad zelîlan
kê hen zelîlan ce laş bilałan?!
xusûs min ce dest turkan esîrim
ẍeyr ce zat to nîyen destigîrim
me’yûsim ce sîlk xwêş û bêgane
penam dan be to zat yegane!
ce dûd dewran syan pełasim
hem cey bend mîḧnet biker xełasim
’eta ker tewfîq xellaq wedûd!
bawerûn be nezim îqlîm wicûd!
be ełtaf wêt ’ezîm subḧan!
meḧfûz ker zemîr ce sehu û nîsyan
herçî hen mezher ce lay zat ton
te’rîf ewsaf meqamat ton
îqlîm wicûd mekerûn beyan
beł ḧîssemend ban zumrey ẍafłan
hem nîza’ řoḧ nefis emmare
hem kirdey îblîs şûm petyare
be tewfîq ḧeq ḧeyyî layenam
perê samî’an bikerûn temam..
«feqêPen name» to gunat nedaro şumar
îqlîm wicûd bawer be efkar