şikayt
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
725 views
aferîn dinya çenî kirdarit
çenî zemzemey bezim bazarit
tif ne çare bo kohney ḧîlebaz
mekkarey muḧîl, ’ecûze mecaz
fîr’ewn bê’ewn, şeddad bêdad
nemrûd û zeḧḧak be to bîn diłşad
çaret menûçehir kerd be xak ney
fereydûn ce feř ḧatemî kerd tey
san sikender supay selim û tûr
be meẍrûrîy to bîn xane xapûr
ko şî keyomerz? ce kon keyqubad?
yek yek çun cemşêd cemş day we bad
’ecûzey dewran ’erûs şêwe
’aqłan ce ’eşq to bîyen lêwe
îblîst kerden be gewwad wêt
nefis beşerîy petyarey serşêt
herdem pey yekê mepoşî lîbas
herdem pey yekê mebî be řeqqas
saznidey dewran, qeḧbey bêḧeya
kes ta ser nekerd ce sayet sefa
«feqêPen name» ha bazar dinyay bêwefa
sewdaş sitemen muta’iş cefa
herkes mewcûd bî ce mułk ’edem
axir pey ’edem menyero qedem!
to xo mezanî êden etwarş
eger merdenî meker bazarş
goşegîrî ker pey wêt be řaḧet
ne řenc dinya û dîn ker feraẍet
toşey qyamet pey wêt bider cem
şayed ce meḧşer nebînî sitem
«feqêPen name» kota ker ḧîkayet bes bo
ḧerfê kafîyen er kesê kes bo
sa maddey xadîm bawer be myan
ber muḧemmed bo dirûd bê payan