dir swab astiẍfar gwîd
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
579 views
warîden ḧedîs nebîyî ebrar
herkes ce gunay wêş kerd îstîẍfar
fereciş mebo ce her hem û ẍem
hem ce tengîy řizq meḧfûzen herdem
bizurg her zîkir nefî û îsbaten
îstîẍfar seyîd cemî’ ewraden
şêx syûtî «riḧimة alleArabic»
řîwayet kerden ce yek ewlya:
yek ce sewleḧa fewt bî ce dinya
ama be řu’yay ew «wilîّ alleArabic»
cew merd medfûn kerdebê su’al:
çi tewren ḧałit ce namey e’mal?
ama be cwab ew merd medfûn:
weqtî řoḧ ne toy qałb bî bîrûn
be ’irûc řoḧ ce namey e’mal
mekşûf bî sîfat sewab û webal
ce her gunahê, seẍîr er kebîr
îstîẍfarim bî, nedîm ce teḧrîr
her guna weneş nebî îstîẍfar
ce namey e’mal wenem bî îzhar
pose ce ayey qedîm îzharen
terîq necat be îstîẍfaren
me’awwimen ce lay zumrey ’ezîzan
kak eḧmedî şêx ew qutib zeman
ce mektûb wêş ew pîr kamîl
fezil îstîẍfar kerdenş tekmîl
ce ed’yey xizir ew şêx welî
hem ce du’ay ẍews, şêx şazlî
ew qutib ’arf «’ilye alirḧimةArabic»
ed’yey xizirş kerden terceme
ew be farsî heftad îstîẍfar
tercemeş kerden pey teshîl kar
fermûdey şêxen pey ehil ẍefłet
herkes be zuban wêş kero de’wet
bizano me’naş nimebo ẍafił
ew du’ay te’sîr mekerone dił
min hem tercemey ew pîr kamîl
be lefiz «goran» kerdenim tekmîl
ha kerdim înşa heftad îstîẍfar
şêx ferman her řo bwanan yekcar
«feqêPen name» xewasiş nimebo temam
řewan ker pey řoḧ muḧemmed selam