îmşew meynetan ne derûn cemen
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1624 views
îmşew meynetan ne derûn cemen
xêłxaney keyfim piř ce matemen
dyaren duwey dûrî zor kerden
supay xem û hem hicûm awerden
şinoy arezûy wesiłit zihûr kerd
lafawî meynet kogay şadî berd
hûnawî derûn řîşey gyan kenden
sermayey taqet ne desim senden
meḧałen îmşew gyan we řo berden
carêwter tewaf asaneş kerden
ya xwa sebûrî we dił bawerî
xezaney aram pêm ’eta kerî
beł we řo berûn we her ḧał îmşew
kerûn zyaret derganekey ew
ser binyew we xak asaney diłber
bew arezûy dił gyan berşo we ber