texmîs leser şî’rî ’isman xoşnaw
From the Book:
Karwanî Yar
By:
Jalal madhat khoshnaw (1934-1998)
2 minutes
544 views
şerte ahê bim bilerêmewe le quřgî bilûr
biřjême baweş baxî şêwawî nehatî şalûr
lenaw meşxełî giřî diłsozî xom keme bixûr
eger estêrey nyazî geşim awa bê le dûr
kişaye çołî aware û nehat lenaw hewrî sûr
herçend bê to şewgarî temen bê xor hełat bê
dił hetrekirawî hêlane şînî derd û bełat bê
ewa amade sîngim řayexî nermî ber pat bê
cestem le awî xuřřemî dûrît pirdî řêgat bê
bałî bênazim le şewî tûşît be serîngat bê
gerçî le ’işqit şeydam xatûn zîn wekû kake mem
ferhadî şîrîn řenc be xesar û be awat negem
wek şêtî leyla le herdî diłim hawar ekem:
ba laşey kesasî wekû qenc qelac be řeşebay ẍem
deştawdeşt neka çeşnî estêrey peşêwî naw tem
ḧeyf û mixabin bo camî badey lawî řijawim
be gerdelûlî nakamî jyan le herdey çawim
bełam hêştake mitûy seyrangay perçemî xawim
awat exwazim dwahenasey jînî şêwawim
be şiney řêt bê le seremergî gencyetî lawim
gerçî honrawem ehonêtewe qefî zulfanit
le gencîney dił mercan û gewher edate şanit
çon taracî (key) biřazêtewe le ser pîlanit
naşmewê hîç bim tenha xał nebê le gonay cwanit
tenha xewêkî lebîr neçuwewey serlebeyanit
tenha dugirdî nwêjî melay baweř û dînit
dwa mirwarîy řistey esrînî dîdey nesrînit
xendey şewnimî zarî yaqûtî be pêkenînit
tenha wêneyê lenaw tomarî pêçrawî jînit
tenha merhemê hemîşe ber dest bo ser birînit
ger řazî zulifit şûşey naskî diłî şikandim
nûkî tarîkî řimî meynetî le çaw çeqandim
şerte emênim leser peymanê pêt řageyandim
eger çepgerdîş zebrey nařeway xoy bo weşandim
telarî cwanî û xoşbextî jînî serpa řimandim
ger çerxî gerdûn be serma biřwa be nawextîyetî
bikutête serma berdî nařezay le řêy sextîyetî
kejawî bûkît bisengirêtewe be bedbextîyetî
ewa zor şukur řazîm bew beşey xuda dawyetî
xom řagirtuwe bo ew zebraney hêşta mawyetî