serî sałêkî řapeřîw

serî sałe
wa kotrî janî miryem
hatotewe naw hêlaney mesîḧ y xem
momî temen
fû lexewî mirdin deka û
le nişêwî tarîkî kêw dête xwarê
xorî temen
bo ahengî buk û zawa
mîwanî xewnî sûr debê
wek rehêłey werzî behar
le çawanya guł debarê
**
serî sałe
maçî şoxî şořş tałe
bulbulî asmanî emřo
le sengerî jêr kiřîwey em serdeme
legeł kiłpey kirîsims y eşkewtekan
debne girme û hajey bexuřî em çemeserî sałe
wa bilêsey çendîn sałî binkey sûrî
pêşmergekan betîn dekeyn
legeł kêwe berzekana
çopîmanew bo newrozî qurbanîman
espî hejaran zîn dekeyn
ey estêrey şewanî êşk girtinim
lebatî min.. benhênî
xendey cejnî emsał bere
xendey cejin piř le çepłey
řengî xwên û kelley sere
ey estêre
xendey gułî emsał bere
beḧesret bûn bo ew şarey
le kanyawî bînayî çaw
maçî şadî bixonewe
bo ewaney be awatin
xemî giłkoy şehîdekan
be şewnimî serwerîy xor bişonewe
ey estêrey yekem şewî êşk girtin
bo beyanî
ke çwîtewe bo şarî sêdarew kuştin
ey estêre, watênegeyt
fiřokeyt û bordumanî dujmin dekeyt
lasay faşîst nekeytewe
min demewê
çepke gułî namey řizgarîm beyteweserî sałe
maçî şoxî şořş tałe
bałefrey xemî leyla, hewrêkî giranî asmane
řewtî rubarî kurdistan
hêrş deba bo deryakan
bałefřey giřî leyla
le tuřeyî burkanekan dexwatewe
leser çiłî
byabanî giř hełdenîşê
kew dênêtewe kêwekan
řişanewey şovînîyekan deşwatewe