henîsk û cwanî

her çend ekem bê aramim
yek nagrê, kam û zamim
bo dîmenêk wuzey gyane
nerme nyane..
bałay nazdar
lenaw gułzar
witey şîrîn, řûyekî geş
eşk û sozî giryey baweş
bełê cwane...
gişt şêwazê cêy sûřmane!!
*
giryan bê ya pêkenînî
ke benaz bom řa’emênî
awazî dengî bizêwî
xendey çaw û dem û lêwî
hemû cûłe û danîştinî
ya wuçan û pał kewtinî
ah hełkêşan..
bo yadgarî (şewî jwan)
bełê cwane, hemû karê leyar cwane
gişt şêwazî cêy sûřmane!!
*
řoyştî sûk û lencey
emûstîle kirdine pencey
hestî pak û giftî şîrin
bałay řêk û cestey xirpin
wurşey qijî..
řeşî bijî..
lerey memk û simtî xiřî
ya destî nask û piřî
sûrî qaçî..
kirasî paçî..
hemû basê leyar cwane
bize û giftî cêy sûřmane!
*
hest û dengî
wêne û řengî
jîrî û kipî yad û bîrî
tane û tîrî..
pestî û şadî..
lêk danewe û kewtine yadî!
hełdanewey (peřî yadî)
le diłdarî, le azadî!
gişt nerîtî lay min cwane
çunke jînim bê ew jane!
*
her mirdinî bom nawutrê biłêm cwane
řîşey cwanî têkeł gyane
çunke naşê..
bê xoşwîstin, bê diłdarî!
piř le kîn û bê bextyarî
bo baweşî..
yarî cwanî bikewte naw!
dest bixate ser qijî xaw
wek melêkî nêw řikî çoł
bend kirabê bedestî zoł
(bo diłxiwazî pakî cwane)
bełê cwane..
nek bo kesê lenaw tawane
bê bezeyîn eřencênin ew (dû cwane)
(bîrokey em hełbeste le hełbestêkî ’ebdûłła peşêw wergîrawe)