beçkey şepolî janekan

-1-
katê kotir berz defřê
eger teqeşî pêwenên.. derbest nîye
ger nîştewe
lew hêlaney beçkekanî tyaxurawe
serbest nîye
boye lezamî hêlaney qaç û denûkî ał debê
herçî dijî dagîrkeran
çek hełnegrê.. lay tał debê
-2-
le şewî sik têrekana..
xanûy berz, milwankey tarîkî xeme
minarey xew, mêzerî mirdûy lêdenên
qulley beyanîye birsîyekan
hêşta westay giřî keme
takû sûre hetawî řoj
şewî xewî bendîxane.. her nahêłê û
tavge xuřekanî behar..
herçî hêzî hejar heye
le řûbarî piř şepola.. limî dwênê becê dêłî
-3-
kewî kêwî.. lem kêw bo’ew kêw řadeka
řawker bedwaya ’ebdałe
hestî kiłoł dehontewe
şimşałî xwên..! fûy pya deka
qaspey xiroş, debête jan, girme, nałe
ke kewte naw dawî řiqî dujminanî.
lebîr deka.. kiłpey serbestî kwêstanî
ger berîden.. małî debê û hełnafřê
soy jêr destî dernabřê
keçî melî kêwî birsî y janî kulim
leqefesî heray dujmin kewî nabê
serim biřn...
ałay sûrî kelî (şax)m, newî nabê