minałî serdemî jan

mame, xałe...
mełên, (herewez) minałe
temenî zamî min pîrin
kotrî asmanî şadîm
le jêr çeqoy xem yexsîrin
*
bapîre gyan...
daykim lay layey lê biřîm
yexey ẍerîbî bo diřîm
tavgey giryan deřjête çaw
melewanî mêjûy hestim
yadî agirînî xestim
legeł şepolêkî řijaw
le řûbarî janî mina
le hewarî zelkawî řiqî dujmina
le koçêka... dadegîrsê
kewî baweşî azarim
le pişkinîn, le felaqe
le hełwasînîş natirsê
*
mame, xałe...
mełên, (heryar)e û minałe
ewe nîye... minałekanî şarekem
daway yarîyan lê dekem
dełên: cilman le ber nîye
dełên... dełên: kes gewałe û
hewrî řeşî weku êmey le ser nîye
dełên: xełkî, le (şet) xinka
bawkî ême,.. be pet xinka
dełên: hawřê û xizmekanman
dest û pêyan be zincîre.
boye ḧezî minałîman
le yarî şeqam û kołana, diłgîre.
*
mame, xałe...
mełên (bwêr)e û minałe
ewe nye... minałekanî şarekem
daway yarîyan, lê dekem
berew dêhatekan deçin
le şewêka..
bo biřyarî... berebeyanî mil keçin
*
mame xałe...
hêşta şixartey diłî min
le gîrfanî řeşî şewe
gułî temenî dahatûm
awzingî sûr û piřtewe
wek espî xor...
le koçaye û
çaweřêye û, nehatewe
pêçî dûrî, be lafawê... dexwatewe.