ba kurdistan şehîd nebê

min ew şewem... le tarîkî řewîmewe
beyanî hat.
. cantay hîway ew minałem, le xwêndingay dênêtewe
elifbay ser textey zamî xenawî hat
hatûm biłêm... ew birînem, le zistana teşene bûm
pencey hêroşîmay azar... çiłî zeytûnî sûr kirdim
bo nan, bo maf, bo qumê aw... tûşî deyan firtene bûm
*
şehîdekan..
wa dême lay gořekantan...
peřoy kêlî mezargekan...
des be du’ay pesargekan
qulab le cergim gîr deken
awî berew hewrazî dê... areqey çaw yexsîr deken
şehîdekan... gulle teqênraweketan
sedan necmey nîştûy serşanî serbiřî
supay sûrî xemekantan
deyan sêdarey cêmawî le ordugay xwên dadřî
gułî hîwaçênî diłtan
le qed pałî emřo û sibey
le serçawey xwênekantan serderdênê
gořekantan xew denwênê
xozye wite benaw gerûy kirdarmana depeřyewe
xozye tołey xwênekantan
aştî be kołî dadeda û...
papořî xor... le naw deryay giryanmana depeřyewe
*
şehîdekan
le keleşî hemûtana, le pencerey gułî genim
demantiwanî kurdistanê dirust bikeyn
le durgey zamî naw xwênî hemûtana
demantiwanî ałay destî minałekan biçeqênîn
hatûm biłêm le naw giřî hemûtana... demantiwanî kareba bîn
bo milî borîye newtekan... xenawkey sûr dirust bikeyn
bełam bełam, le sermayey çaweřwanî
mela çombî... nazim gizar zorî kirdîn be qurbanî
*
pêtan biłêm
baxî şano, gułî êmey lê bon dekirê
řistî cil şorînî diłman, diłopî sûrî lê detkê
dîsanewe, giřî lûley henaseman
be zincîrî merg çênî tangî dujmin hełdewasin
birsyekanî kulêrey naw tenûrî qîn
dîsanewe tuxubî gyan debezênin
birsîyekanî tebarey xwên
berçineyek mêwey řiqî kurdyan dewê
şehîdekan...
bo ewaney le jyanî serberzya û şehîd bûntan
nêwantanin
bo ewaney mîwantanin
lewêş sinûrî serbexoyî hełkenin.
*
hatum biłêm...
le sengerî birsêtîda, eger gulle řûnakîm bê
qořey sikim pasewanî coxînim bê
dîsanewe... řencî herzan firoşî min, her tînwe
ger be nuştey bin bałî kotrî mêjû
fałçî û mela serqełemane wergirin
diruşmî ser dîwarekan, lêy denusrê
tif le witey ser mînberî diroznekan
ay bo xwênî be fîřo çûy şehîdekan
*
hatûm hatûm
hatûm gułî arezûtan dabçênim
hatûm çiqłî ḧuzeyrantan bidurmewe
hatûm dasî kułî sepan bisûmewe
hatûm minałî naw siktan... hełsênme pê
hatûm topî hejar bênim, bê û biteqê
*
werin, werin..gîrfanî çek bipşikinin
her gulleyek çiruk derçê... bîbenewe
xêra, werin dergey şořş bikenewe
zamî mêju, le serçawey babeguřguř bişonewe
werin, werin, xwênî demarekanî gel şê kenewe
karwanî kurd, be ser pirdî wîst û zamî hejar berin
ba bipirsîn... kame çînin
le şořşî emcareşmana koçerin.
(be boney řojî şehîdanî 1973 xwêndirayewe (ewe bû partî beyannameyekî dij derkirdim, be dijî řêbazî «p.di.k»y dame qełem. le dezga řoşnibîrîyekan deryan kirdim...?)}