çwar pêşmergey daykêk

eger řołe...
çawit postey xorî pê ye
diłit wêney minî pê ye...
ba maçtikem.
ger henaset...
hewrî bebaranî pê ye
ya firmêskî xełatî şaranî pê ye
zû pêm biłê, ba bitnasim
min tamezroy durnasêkim
pûlî namey şořş bênê
biruskey çawî (mardîn)y
kurdî hejar bibziwênê
zû pêm biłê, ta bitnasim
debêt gullet... berey xwanî
telarî jan wek mafûrî xwênînî gel
datekênê
-2-
gerdelûlî
hewêzî naw kołanî dê
çawî şewî dwênêkeman piř xoł deka
kułîngî kwêr...
dartêlî jêr, řunahîman bin koł deka
yasay çetrî diřindey (şah)
le henasey henûkeman
řawî berxî aso deka
pepûley nêw zerdexeneş
çaweřwanî çiray cergî (meko) deka
sa giryanî çawî dwênê
emřo gulle le (mehabad)
firmêskêkî giř detkênê
-3-
wa xerîke merekebî pandanî bîr
bo nûsînî beçkey şî’ir, bwîte esîr
le kalanî şewî dîlî
ke seretay tîẍî nasem hełdekêşim
dekulêtewe, birînekanî piř’êşim
le ḧelebda, le dêrezûr
(ḧeb)y mirdin, be dem gerûy xem despêrim
derzî jyan, le terokî zîndû dedem
pizîşkêkyan le xorewe bo denêrim
-4-
ey xanexê... de pêm biłê
to nihênî, payzî min pê dezanî!
le (melḧeme)y birînî, birsêtî jyan
zor řewanî.
hatûme lat:
çîrokî firmêskî şusey şeqamî xwên bigêřewe
çîrokî agirî berî...
çend sałey xwîn bigêřewe
wełamî newrozî dwênê...
be papořî deryay mêjû binêrewe
minî mîwan... le hewlêra...
beleşkirî birsîtî sik
nîştimanî coxînî nan... deparêzim
santîmêkî nexşey gêtî
dexemewe naw amêzim.