se’îd û mes’ûd be leşkirewe řê le şazade degirin
From the Book:
Suɫtan Îbrahîm û Noşaferîn
By:
Khana Qubadi (1704-1778)
2 minutes
271 views
bişîn we serwext meẍrîb zemîn
pey noş aferîn daym dił ẍemgîn
naga qasêdan xeber awerdin
şazade cey kar ser ḧesab kerdin
aro şazade û şay noş aferîn
warêd bîn be zeyd şay meẍrîb zemîn
şazadan ney kar bibîn xeberdar
tełeb kerdişan bîst hezar swar
bîst hezar swar neşar şîn we ber
girtin sereřay ew řagey guzer
hem dîsan qasêd awerdin xeber
watin xan miḧemed řeşîd serwer
se’îd û mes’ûd çenî çil hezar
hawexten beyon bey mawaw dyar
şay noş aferîn bezor biberan
şazadey xûnxiwar bê ser bikeran
xan miḧemed şineft xiroşa beqar
naga dyarda çil hezar sewar
çil ’elem nedûr derdem da dyar
ye’nî nîşaney çil hezar swar
şazade mes’ûd kumêt swaren
pey noş aferîn nedîn bêzaren
şazade mes’ûd ẍuřane û sipa
watiş îbrahîm herzey bê ḧeya
nadanan pase lêş mebo nîşan
cefay wey tewre bêhûde kêşan
mer şar demişq ne yadit şîyen
nezanay meẍrêb bê saḧêb nîyen
şay noş aferîn to bider bedest
tawaçûm sipa to nekero qest
xan miḧemed şineft ama be guftar
watiş ey le’în şûm nabêkar
qabil nedarî ne ’ersey meydan
nam şazade barî be ziban