beserhatî gîranî ḧemîdî melaḧ
From the Book:
Suɫtan Îbrahîm û Noşaferîn
By:
Khana Qubadi (1704-1778)
2 minutes
330 views
ḧemîd awerdin beşar xeta
berdin be xidmet elyas padşa
ḧemîd melaḧ çun şazade dî
be awaz berz ne elyas ẍuřî
watiş ey elyas mer şerimit nîyen
to şar demişq neyadit şîyen
tu er şazade biderî siza
qesem we bê çun yektayî xuda
xeberdar mebo ’ebdureḧman şa
perî û cin maweru bey ca
xurşîd ’alemgîr xêł ḧełeb şar
her çwar quley qaf meyobey dyar
herçê sipat hen gişt berbad mebo
şar û memleket gişt wêran mebo
elyas ce suxen ḧemîd pêç werdin
ferma şazade bezîndan berdin
cey giftugo bîn şah û şehryar
naga ce hewa destê da dyar
dest berd ke yeqey şazade girtiş
berd beřûy hewa dersa’et berdiş
elyas êdiş dî kêşa ah serd
xeylê xof sext bederûn awerd
wat melîk tûfan çi karê kerdîm
bedest wêma ecel awerdîm
xan miḧemed watiş erê elyas şa
weqten perî û dêw beyo be’ey ca
mułk û mał û şar mekeran xerab
cergit mederan nesîx kebab
elyas çun şineft cergiş bî buryan
hem xan û ḧemîd berdin bezîndan