biçîne serwextî emîr selîm û noş aferînewe
From the Book:
Suɫtan Îbrahîm û Noşaferîn
By:
Khana Qubadi (1704-1778)
2 minutes
613 views
şay noş aferîn dîde kerdiş waz
ama be guftar şay şekerîn řaz
watiş ey selîm çun amay wey ca
ce kon şazade erê bê ḧeya
selîm wat nazdar ey nûr dîdem
şazade merden ey berguzîdem
min زەڕەێی zehirim daden be ew
ta beřûy meḧşer nexêzo nexew
sa ke êd şineft şay noş aferîn
dîdey şabaziş piř bî ne esrîn
řûy řewşen celaş bî we şewe zeng
şî be ḧał mirdin bê seda û bêdeng
axir horêza dest da besatûr
watiş ey napak le’în bednûr
çi qudret darî ne cay şazade
ce leban min binoşî bade
selîm êd şineft des da be şimşêr
ẍuřa be nazar selîm bê pîr
kerdiş ḧewałe pey noş aferîn
şay noş aferîn sya bî ce qîn
çun şêr made hełmet da be qar
dest da be xencer buřendey abdar
şend ne řûy sîney selîm namdar
sîneş şikawa bewêney xyar
dest berdiş pey ser ew şûm namerd
serş ne ḧełqey beden cya kerd
lîbas selîm ce ber řeha kerd
poşaş bewêş kêşa ah serd
axir na’êlac pada ne řîkab
řû kerd be dima be dîdey piř tab