dermandawkirdinî sułtan îbrahîm û řifandinî noş aferîn lelayen selîmewe
From the Book:
Suɫtan Îbrahîm û Noşaferîn
By:
Khana Qubadi (1704-1778)
2 minutes
427 views
kirdarş pewsen ey çerx keçbaz
řojê hezar fend ferîb medo saz
gahê medo kam benaz û nî’met
gahê medo derd pejare û mîḧnet
xana, nî’metiş kamdar nîyen
«nerêzeş» taser paydar nîyen
guş bider be ew napoxte û naxam
ce emîr selîm dêwaney kem fam
ewîş giriftar noş aferîn bî
daym ce daẍiş matem nişîn bî
ew namwafêq dêwaney deẍeł
zehirş penhan bî daym ne beẍeł
dayme nepey firset û ferîb
ta yawan yaran bekoy ser’endîb
şew ama napak řûsyay kem fam
kes ḧazir nebî şî belay te’am
zeřeyê new şîrey zehir bê eman
be mexfî řîza ne řûy te’aman
şazade dest berd pey cîb beẍel
nîga kerd nerûy sa’et bê xelel
hoş da be sa’et be nîga, kerden
dya çwar sa’et neşew wiyerden
şazade dest berd xeylê te’am werd
zehir helahel ce ten eser kerd
zibanş ce řaz giftugo leng bî
řewşenîy dîdeş çun şewe zeng bî
selîm dî wey tewr ew şêr xûnxiwar
ne řûy xakda menało bezar
horêza we pa be te’cîl û taw
dîş noş aferîn ha ne şîrîn xaw
darûy bê hoşî awerd da be noş
noş nexaw da temam bî bê hoş
selîm napak dił piř ji teşwîş
noş aferînş wist neterk wêş
* «qetre» da be taw çend řoj û çen şeb
ta menził berdiş bemaway ḧeleb