namenûsînî mecnûn bo leylê
From the Book:
Leyla û Mecnûn
By:
Khana Qubadi (1704-1778)
1 minutes
779 views
nwîsa leylê yar wefadar
yawa pêm namet bê sebir û medar
to ew kesenî lêm kerdî teklîf
siřî ’eşqit bo ne qelbim ze’îf
qeti’ kerdî ce dił min şewq û şadî
esrîn ce dîdem carîyen ’adî
qewm û xwêş ce min kerdî we duşmen
cam bî we daman koh deşt û demen
îseyç sebirit bo sebûrî xasen
sebûrî mayey ce ẍem xelasen
nameş da be des swar dana
dimay kar wêş we leyl kyana
wêş cew byaban be girye û zarî
şî’ir şor û şîn ce bêqerarî
mudetê medîd mend şewan tar
řowan megêła etraf û eqtar
zeḧîf bî endam dił piř ce weswas
matemzedey ẍem «mixqil alḧiwasArabic»
î hewał we lay leylê çun yawa
watî we xencer cergit şikawa
girewa be yar ce bedbextî wêş
yek meḧrem řaz tełeb kerd we pêş