herqewme qewlî sefer beryetî
From the Book:
Dîwanî Muftî Pêncwênî
By:
Mufti Penjweni (1881-1952)
1 minutes
458 views
her qewme qewlî sefer beryetî
em kurde daym şeř le seryetî
ya be çepokî dujmin peşêwe
bołê le zîndan bołê le kêwe
ya her xobexo enîşne yek
darî yekêtî derdênin le řeg
em daxe axo key samanî bê?
em derde axo key dermanî bê?
le kurdistana demançe û tifeng
xozge nem ebîst nem edî be řeng
wextê ke eçîn pasyan bo ebřîn
bo ewey diz û cerdey pê bigrîn
keçî her xoman ebîn be cerde
çeteyî ekeyn lem kêw û herde
hezar kar ekeyn le dêhat û şar
be hoy pasewe win û nadyar
ew bêçaraney ke wa ekujrên
pasdar eykujin bełkû nenasrên
eger na ewey çetey nawdare
řawwiřût eka bo pûł û pare
xoy hawar eka min fiłan kesim
çît pêye û bêne zû bîde desim
ya biřêk ḧeywan edate ber dem
eyandatewe be qîmetê kem
ax emdî tifeng ko ekirayewe
şeř û kuştin û şîn bibřayewe
feqîrîş bo xoy eḧesayewe
minałî sîsîş egeşayewe