kirasekey ketane suxme leser memanî
From the Book:
Dîwanî Samî Ewdal
By:
Sami Awdal (1910-1985)
1 minutes
386 views
kirasekey ketane suxme leser memanî
çaw řeşî biro kemane ’ebakey tirukmanî
şemał pêçey hełdawe kezî le milan aławe
diłim bo to nemawe bo ḧałî min nazanî
bejinit dełêy beydaẍe memkit sêwî meraẍe
wa cergim daẍ be daẍe be egrîce û mujganî
tîrî mijem lê deda we’dey xoşîm pê deda
zułfekanî ladeda be dest û pencekanî
nemdît le şêx û aẍe řûmetî wek çiraẍe
gułî deçnî le baẍe çûme lay be mîwanî
zułfî ’enberî xawe perçemî dawbedawe
diłî minî gil dawe be ebro û çawekanî
mełên basî zułfane xo ’aşiqî dêwane
bo xoy çeşnî perwane deka meylî sûtanî
xo ew şerit û peymane lenaw xakî kurdane
dandirawe û cwane baẍîş bo baẍewanî
şemał zułfan dejênê řûmet wek befir û xwênê
wa dê samîPen name bidwênê be xoşî û şadmanî