şîrîn şemî new
From the Book:
Dîwanî Xanay Qubadî
By:
Khana Qubadi (1704-1778)
2 minutes
858 views
şîrîn şemî new, şîrîn şemî new!
cemîn muqabîl şîrîn şemî new!
tûřřey ebrowan wêney mah new
sin’et sazna pey xeşim û ẍezew
tîpî mujganan çun supay ’erew
san da ne dewr dîdey syay ew
dû dîde daro daym mest xew
cewahêr nîşan poşa bê we ew
bînî le’lêwen kêşyan we dew
nek we zerîfî xał pay ẍew ẍew
ḧełqey ḧeywecan syay bê mezew
ser nyan weban qułf dugmey xew
we nazkî qeytan pay kenarey mew
ne dîdem senden, řoj xurd û şeb xew
zeřřey mawî xał, ne toy camey new
medrewşo ne terḧ sitarey pêşřew
ciftê şemame nîm nîgay ’ecew
mewla we xełat kyastî pey ew
wełed řeftarê, turk şa senew
şewq, lîqay ḧorî, cay ’alî nesew
ye xane waten her we bê merkew
cehd û cext le min, merḧeba le ew
***
zułeyxay sanî, zułeyxay sanî
zułeyxay begzadey kulyay nîşanî
dewr besten çun çerx çalak lanî
çerxina çun baz şeyday şîrwanî
sa çax şewbend dewr pêşanî
san da çun serdar supay êranî
ḧacîban dû qebiz řiştey subḧanî
cem besten ne dewr dîdey qetranî
mujan xedengico, cergey kemanî
sê kozey seng sim lahûr mekanî
bînî neqiş kilk ustad manî
’eqîqen nedewr daney yemanî
dehen serçeşmey can zîndeganî
xeberdar ne cins sed sałey fanî
řewneq da be řûy xał subḧanî
şefafter ce şewq ciqey xaqanî
gerden çun bilûr badey keyanî
meda we ḧuqqey saf sułtanî
sîne zeř wereq zîbay elwanî
ya «ḧur al’înArabic» baẍ řîzwanî
birîqey bey çun duř beḧrul’emanî
perwerdey sehend xamey ketanî
naf qutûy me’cûn deway luqmanî
zeř baften ce terḧ řiştey řîzwanî
cayî sim ẍezał, çerx cîsmanî
bîlateşbî kaf nûn qur’anî
wełed řeftarê, xoş xeramanî
mer bano hersîn ya dułber canî
metersûn ce lutif zułêxay sanî
xane ber we tebi’ şêx sen’anî
ye xane waten her we bê merkew
cehd û cext le min, merḧeba le ew