beharî zanîn
From the Book:
Çend Berhemêkî Berayî
By:
Hemin Mukriyani (1921-1986)
2 minutes
1587 views
ewa hat mangî xoşî xakelêwe
nema serma û bûran û kiřêwe
pełek řeş kewte kwêstanî wiłatman
be ba û baran û lengêze û şiłêwe
le kêw û kej gyaw û gij bebare
îtir derçû meřumałat le lêwe
le lêwî cogele mêlaqe ewřo
le gwîn serbazî sûr wêsta bepêwe
newek kakołî yarim bełke sunbuł
weku japon û ełmanî peşêwe
ne her dêwane bo seyr û temaşa
ewêsta ’aqił û zanaş le kêwe
temaşay mamî cûtêr ke le deşta
bedłigermî xerîkî werd û şêwe
behare guł serî hêna derê toş
hełsite kurde çîdî sermenêwe
hemû qewmêk weserkewtuwe le hewraz
beşî to kurde takey her nişêwe
bixiwêne fêrî zanist û hunerbe
lelay kullî kesê cahîl dizêwe
were fêrî temedun be ’ezîzim
heta xełkî nebêjin kurde dêwe
mebe me’yûs û umêdit qewî ke
firîştey cwanî serbestît beřêwe
ewendet ferqe azad nît weku xełk
dena ferqit nîye zeřêk beşêwe
eweş mujdet demê her bew zuwane
debî saz, hełpeře ca toş le cêwe
heta pêyêk le bêrlîn biçne pêşî
supay sûr, dête pêş azadî êwe
bijî marşal sitalîn pêşeway řûs
ke azadî le gêtî dabeşêwe