le řojnamey mudîrî kec medarî çerxî menşûrî
From the Book:
Dîwanî Mela Marf Kokeyî
By:
Mela Marif Kokeyi (1875-1945)
2 minutes
984 views
le řojnamey mudîrî kec medarî çerxî menşûrî
denûsê necmî se’dî kewte ewcî mewcî billûrî
dekem temcîdî fikir û ’eqił û ’eqdî îzdîwacî to
legeł yek xanewade û tayfe û famîlî meşhûrî
’eceb karêkî başt kird ke tecdîdî feřaşt kird
çi dexlêkî heye sedrî be aş û maş û bilẍûrî
le dinyada kesêkî hemnişîn û hemdemî çabê
çi muḧtace be text û tac û mułkî împiratûrî
denûsim bo muẍennî û mutrîb û xoşxiwan û řeqqasan
ke bezmêkî muheyya ken şebîhî bezmî feẍfûrî
be eş’arî letîf û nazenîn û diłber û şîrîn
be elḧanî «nekîsayî» be soz û sazî semtûrî
biłên řebbî mubarek bê le qîsmî taze diłdarit
be diłşadî be azadî be abadî û me’mûrî
be şew ta řoj heta dewrî ḧeyat û zîndeganîte
le gerdin yek biken dû sa’îdî sîmînî billûrî
sipêhrî ’îşřet û şadî le hewrî taze damadî
bibarênê le řewzey dewłetit baranî mesrûrî
qełem nûsî le te’rîfî ’erûsî gerçî nazanê
ke ’ezim û hîmmetî to çone neḧlî ya ne zenbûrî
cewazit da defermû cayzey êmeş biden emcar
be kamî dił leser řû labde řûbendî çexşûrî