qîblem wîr nebê
From the Book:
Dîwanî Seydî
By:
Seydi (1785-1849)
1 minutes
853 views
qîblem wîr nebê, qîblem wîr nebê
carê çûn caran êmet wîr nebê
keştîman be des to teqdîr nebê
erna celay to hîç teqsîr nebê
er teqdîr be des to bya mergim
mewday têẍî tîj medat we cergim
medat we cergim sed car nêşî têẍ
ta řîşey gyan mekendî ce bêx
er cergim bidey let let be çiłda
esła însafit nyen ce diłda
bê mirwet carê ce ḧeq netersay
pey cestey xestem hergîz nepersay
her řo ce nowe meřejî çawan
ser nêşî mujet we suhan sawan
mujanit hûn řêz, kuşniden qatił
yek yek çûn xedeng medeyşan ne dił
hezaran zamit we cergim kerden
xemten hûnî min beyot we gerden
hergîz bê însaf nedarî ’adet
carê zamdarit kerî ’eyadet
to dîdet pey qesd kuştey min řeşten
çiman ke seydîPen name babey toş kuşten