seydî ’ar nyen
From the Book:
Dîwanî Seydî
By:
Seydi (1785-1849)
1 minutes
1317 views
seydî ’ar nyen, seydî ’ar nyen
herkes ’aşiqen nałeş ’ar nyen
êmeyç nałeman xo bê kar nyen
kes ce derdî kes xeberdar nyen
minîç dêwaney xałî şîrînim
pabendî tay zułf bo ’enberînim
bełam êd şîrîn eyaman nyen
çûn xwacey ẍemxiwar ẍułaman nyen
hergîz çenî kes ta ser nesaten
şertiş, îqrarş, wefaş yek saten
ta meyo we lam řendî cemîn guł
xofî hîcranş menîşom ne dił
ew sate şîrîn mekêşo destim
mawero be soz zamanî sextim
ce xofî lwaş cestem ne lerzen
hawaru hey dad, hey hanam berzen
gîrodey hîcran, daym bê keyfen
kafir gîrodey hîcran bo ḧeyfen
yaran ye sengen, tenş xaşaken
cestey meynetbar min temaşa ken
ye sengen pey tor mesoço be taw
dił qetrey hûnen çon nebo be aw
seydîPen name ce hîcran şoxî cemîn lał
sa peyçêş nebo be kogay zuxał