şîrîn dîde mest
From the Book:
Dîwanî Seydî
By:
Seydi (1785-1849)
1 minutes
848 views
şîrîn dîde mest, şîrîn dîde mest
nazdar, nazenîn, şoxî dîde mest
sa ke ce dosî êmet kêşa dest
çenî yarêwter beynî tazet best
şerit kerdekey wêt nedarat be çem
êmet şî ce yad, yarî beynet kem
eweł be «îxlas» sewgendan werdit
axir şerit û beyn beser neberdit
be ’eşqî «baweys», mał ce bêşe ko
«waḧîdu alqeّar» hîçkest nazo
umîden fełek şêwno nazit
nîşo wepay ’erş sedaw awazit
zar zar bigêłî beser çemerda
hersatê ce new bidey beserda
herkes buyero çenî beyn besteş
gîr do çenî zam «sya mar» gesteş
seydîPen name sî cizmey kelamş wisten
beyniş ew beynen çenî toş besten