îmaretî syah mensûr

be gwêrey şerefname, le zemanî şah tehmasbida damezrawe. em şahe, xelîl beg naw emîrêkî syah mensûrî hênawete me’îyetî xoy, ’înwanî «xan»y dawetê û kirdûyetî be emîrul‌umeray hemû kurdî êran. bêcge le syah mensûr, bîst û çwar ’eşîretî kurdî tirîşî xistote me’îyetyewe. le beynî azerbaycan û ’êraqda gelê mułk û wiłatîşî daye. dayme sê hezar swarêkî le teka bû. le beynî qezwîn û tewrêzda da’enîştin û muḧafezey xełkî ḧidûd û řêgewbanyan ekird. le dway sê sał, ḧusnî îdarey xelîl beg řûy kirde kemî û lew naweda xirapekar zor bû. le ser eme, şah, xelîl begî nefî kird bo xorasan. le dway eme, tenya ’eşîretî syah mensûrî be desewe ma û le dwayîda kira be muḧafzî ḧidûdî xorasan.

le paş xelîl beg, dewłetyar xanî kuřî hate cêgey û le teřef şahewe kira be muḧafzî ḧidûdî azerbaycan û be emrî şah lew naweda gelê îslaḧat û te’mîratî kird, bełam le paş beynêk le ḧikûmet ’asî bû û le qumanday murşîd qulî xanda leşkirêkî êranî hate ser û le qełay şebistanda muḧaserey kird, bełam řojêk le piřêka le qeła hate derewe û hełîkutaye ser leşkirî qizłibaş û şikandî û kuştar û tałanêkî zorî lê kirdin. le dway em ẍelebeye dewłetyar xan tema’î kirde be’zê newaḧîy ’êraq. bełam şah ’ebas, mehdî qulî xanî be leşkirêkî zorewe narde serî. dewłetyar xan muqabeley pê nekira û dexałetî be şah kird. bełam xoy û tewabî’î ḧepis kira û le dwayîda le naw bira. zahîr waye ke le dway dewłetyar xan, em îmareteş le naw çuwe.