xanedanî çemişkezek
xanedanî em îmarete be řîwayetêk netewey ’ebasî û be řîwayetêkî tir netewey selcûqîye. mu’esîsî me’lûmî, melîk miḧemed û bawkyetî. melîk şahî kuřî melîk meḧmûd le 596 h.da bo îstiqlalî xoy legeł selcûqîyekanda kewtote şeřewe û le naw çuwe û îmaretekeş kewtote des selcûqî. le paş beynêk melîk miḧemedî kuřî melîk şah îmareteke îḧya ekatewe û 32 qeła û 16 naḧye zewt eka.
’eşîretekey be melekşahî meşhûr bû û le êranîşda hezar małêkî hebû. da’îrey ḧukim û nifûzî em ’eşîrete ewende wasî’ buwe ke ’adeten te’bîrî çemişkezek bote ’elem bo kurdistan.
em îmarete le dewrî muẍul û teymûr û qereqoyonlûda xoy zor baş muḧafeze kird, bełam le dewrî aq qoyonlûda be’zê ’eşayrî turk nêrrawete nawî û pîr ḧisênî emîrî, herçende em ’eşayrey derkird û îta’etî şah îsma’îlî kird, bełam fa’îdey nebû û řyasetî em îmarete kewte des umeray qizłibaş. le dway beynêk yawiz sułtan selîm, çemişkezekî dayewe be emîr pîr ḧisên û em emîre ke be azayî û netirsî, yawzî ḧeyran kirdibû, hełîkutaye ser ḧakmî qizłibaş, nûr ’elî û kuştî û îmaretekey sendewe.
le dway pîr ḧisên, îmareteke sê qołî «micnigird, purtuq, siqman»y lê botewe û ta ewasîtî dewrî ’usmanî dewamî kirduwe û bêcge le řu’esay em sê xanedane, pêr ḧisên beg, no kuřî tirîşî buwe û her yeke le teřef ḧikûmetî ’usmanîyewe mentîqeyekyan be mułkayetî dirawetê.