îmaretî eyûbîy yemen

eyzanîn ke yemen le teřef melîk elmu’ezzem tûranşahî biray sułtan selaḧeddînewe û le tarîxî 569 h.da fetiḧ kira û melîk elmu’ezzem dû sałê le yemenda be nawî kakyewe ḧikûmetî kird. le dwayîda wekîlêkî be serewe dana û xoy geřayewe mîsir. le dway wefatî, yemen dira be melîk el’ezîz tuẍtekînî biray sułtan selaḧeddîn (579 h). em emîre ta wefatî, lewê ma (16y şewwalî 593). le dway em, elmu’îziz îsma’îlî kuřî, hate cêgey, bełam le 598 h.da kujra. nasir eyûbî biray, cêgey girtewe û emîş le 12y muḧeřřemî 611da dermanxiwar kira.

le dway eme, melîk mes’ûd selaḧeddîn yosfî kuřî melîk kamîl, bote ḧakmî yemen û be quwetêkewe řûy kirde yemen û le 2y muḧeřřemî 612da geyşte merkezî yemen ke «zibîd» bû. le dway girtinî te’iz, silêman îbnî teqyeddîn ’umer îbnî şehenşah bo mîsir, legeł îmamda kewte şeřewe û le 8y cemadî axrî 514da sen’ay zewt kird.

le 619da umûrî ḧikûmetî, tewdî’î kuřanî řesûłî kird û le 620 h.da geřayewe mîsir. le 624 le řecebda hatewe yemen û kuřanî řesûłî ḧepis kird û le ’eynî řojda berî dan. le ’eynî sałda geřayewe mîsir û îdarey yemen dîsan diraye des nureddîn ’umerî kuřî ’elî řesûłî û le dway muddetêk emîr nûreddîn î’lanî serbexoyî kird û «ḧikûmetî řesûłî»y yemenî damezrand.