çil û pêncem: diroy nîsan
From the Book:
Îşqî bê Nexşan
By:
Dilshad Meriwani (1947-1989)
2 minutes
744 views
bełê gyane dezanim xoşt dewêm
bełê gyane dezanim bom peroşî
bełê gyane zamîş bim, to detewêm
bełê gyane xemîş bim, to demnoşî
bełê gyane to pêkêkî piř nazî
bełê gyane ḧezî minîş pêt řazî
amadem ta serxoşî, bitxomewe
le baweşî germuguřta bitwêmewe
toy meẍrûrî ewînî dił: destibeser
toy ḧebîbey minî «nalîPerson»y derbeder
toy kar’askî kemertengî bała şûş
toy bexemî cencałîy minewe tûş
toy dem germî bêdeng leber çirpema
toy min wîstû, bew janeş, wa le serma
toy mem qutî gim gime fincanî çuř
toy keł milî gerû le goranî piř
toy çawciwanî, bo nîgam xo negirtû
toy leş germî betînî ’îşq giřgirtû
toy ’îşqî min: weku ferhad be ba çû
toy leber heniskî xemta: min mirdû
welê gyane efsûs hemû emane
hîçêk naka, her hîç lelay ewane
ẍeşîmin û le sewday ’îşq tê nagen
keçî zanan: dolar, dînar, be timen.
to bisûtê û min desûtêm ta neman
ba em ’îşqeş bo dwakewtûyî însan
qurbanî bê, wek ’îşqî pêẍemberan
wek ’îşqî min bo to û bo nemanî jan.
wek ’îşqe şêtanekey to bêhûde!
wehayş ’îşqe şêtanekem: bêsûde!
xemit naxom, toş weku min xem mexo
hîç xem naxom, toş herweha xem mexo
na xem naxom, kiçê toş her xem mexo
ay! lem fişe û diro ziley min û to!