mergî bê zyan

temenî de behar bû
ke hênayan
sertapay nuqmî azar bû
paş çend řojêk beşermewe
nizîk hawřêkey kewtewe
pêy wit: hawřê
leme zyatir berge nagirim
demewê řûşim zerd nebê
ye’nî bimirim.
hawřêkeşî têy geyan
ke çon demrê, bê zyanemcareyan
ke birdîyan
witî: bełê
legeł pałe û zeḧmetkêş û řenicderanim
nawî hîçîşyan nazanim.
le dwa dîdarî pêş mergida
xuşkekey hat
bedem maçî naw demîyewe
girêy nihênî kirdewe.
ewca, xuşkey geşayewe
çirpandîye gwêçkey daykîyewe
witî: daye
řûy giştimanî sûr kirduwe
nawî kesî nebirduwe
xemit nebê û kes nagîrê
lêy zîz mebe û
le berçawîşt nebêzrê
paş çend satêk
wek qareman
dexnikênrê.