pelke zêřîneş namo deken

duwem
xatûnêkî tenya
wa le gyanma
diłî kirdûm be awêne û
xewnekanim beşane
sedan sałe çaweřwane:
kabray poste
nameyekî bo bihênê
le dirawsêkanim waye
em xatûne tenyaye
be bêhûde çaweřêye û
hergîz namey bo naye!
nameke lay kabray post-e
bełam gyanim
bebê ała û nawnîşane
xatûnêkî tenyay tyaye
diłî kirdûm be awêne û
xewnekanim be şanexatûnêkî tenya
wa le koşkî şî’rekanma
kirase awdamanekey
bînayîme
hîway kirdûm be feqyane
besozim çawî řiştuwe
henasey kirdûm
be mêxekbend û řêḧane
be řařewî koşkekeda
dêt û deçê
car necare, diłim le kemerî
dexşê
le dirawsêkanim waye:
em xatûne tenyaye
be bêhûde çaweřêye û
swarekey nageřêtewe
swareke.. na
bełam espekey dêtewe
lawêkî xwên germî tir
serlenwê hełdegrêtewe
řank û çoẍey zerdexene
deka be ber dêřekanma
serbexo..
xoy dekatewe be wîjdanma
bo lay ew xanme tenyayey
wa le koşkî şî’rekanmaem xatûne:
espî gewałe hewrêkî qenewwizî
bo seferekey xwastuwe
le şa’îrêk
ke weku xoy tenyaye
em xatûne:
towî kiçołeyekî çawřeşî
le dawênaye
twêşûy seferî:
bonî henasey dargiwêz û
qaspey.. çyaye
le nawend cengełêk gurga
bo mezarî
kanîyekî zîndû, wêłe
xełkî dełên: gurg deyxiwa
bełam: na
degate kanîyeke û
xoy lê deşwa
kiçołekeş
wek çepkêk kam
le dawênî dête xwarê û
têkeł deryay jyan debê
baran:
boy debê be qumat
nêrgiz:
debê be gwarey û
xor:
boy debê be colane
pelkezêřîne:
qurbanî debê û
xoy bo deka be, pawane
hey baran barane
baran.. barane
şa’îr, espekey,
deka be barbûy
em kîje cwane