ha ten elweday zîndeganîş kerd
From the Book:
Dîwanî Mewlewî
By:
Mawlawi Tawagozi (1806-1882)
1 minutes
826 views
ha ten elweday zîndeganîş kerd
qedem řenceker hamferdekey ferd
laber textey seng ełḧed seray řêş
cem ker gerdî xak ceste xestey wêş
amêten we bad bałay turkî teř
yanê nimnaken zû mebo we heř
dirûsker new heř şêwey bułbułê
binyeş ne ser şax gułê ya çiłê
bełkim ew seyad ce nakaw carê
buyero pey geşt kuştî şikarê
neçîrgay wêşen we parêz kemkem
bełeden, midyo, mekeroş we çem
xedengê henî hewa derowe
perê mergêwter îḧyam kerowe
her satê sedcar bew tîr new terkeş
zîndegî û merden aman weşen weş