şemał pêy biłê
From the Book:
Firmêsk û Zerdexene
By:
Dilshad Meriwani (1947-1989)
2 minutes
750 views
ewe şête ke řazî diłî bo şitêk nakat ke yarî be qijî hemû cwanêk eka
şiney şemałî geřokî ser ’erd
řaweşênerî gułałey bêgerd
bê seru bê şwên wêłî çya û herd
tozê bêre lam bibîne ḧałim..!
satê xem noş û satê řûtałim
hemûy le dûrî gułme enałim
min legeł xemda bestûme peyman
heta ew dûrbê pîşem bê giryan
le cêy xewtinîş besme quřpêwan
şemał gyan tuxwa biłê be yarim
min wa le dûrî pest û xembarim
şîn û şepoře seyran û karim
pêy biłê tenyam ba zû bêtewe
bełke lawazîym le koł bêtewe
jyanim şewe û ba řoj bêtewe
pêy biłê bê ew jîn lêm beqîne
diłîş řûbeřûy bê hêz û tîne
xemî tenyayîş be qed zemîne
şemał gyan biłê diłdareket wa
legeł asmanda kewtote sewda
le estêrey geş milwanket eka
pêy biłê yarit wa legeł mangida
şeřyane leser cwanî herdûla
mang ełê xom û ew ełê leyla
şemał cwanî yar be hezar core
egerçî řazî diłîşim zore
to nabê têkçî bîłê be nore
minîş çawenwař berî beyanim
taku hewałî gułî jyanim
le şiney nermî towe bizanim
beşku xwa bîkat gułim bêtewe
azarî dûrîm le bîrçêtewe
diłey naşadim şadî bêtewe