em dinyayey way boy be çiłuçoyn
From the Book:
Pendekanî Pîremêrd
By:
Piramerd (1867-1950)
1 minutes
775 views
em dinyayey way boy be çiłuçoyn
be řûtî hatûyn be řûtî eřoyn
hênde be cewrîn, wek kasey çewrîn
aw nagrîne xo be gil û dewrîn
tenha kifnêkman eger pê bibřê
ewîş le xaka bernagrê, edřê
xwa dewłetman lê esênêtewe
tenha nawêke emênêtewe
her ew naweye ke le paş xoman
wasîtey řeḧmet nardine boman
egîne ewa cem’î xomane
danîştûyn têkřa, giftugomane
çawman le yeke û be zuban edwêyn
ke hełsayn îtir le yektir gum bûyn
her wekû xeyał bîrit ekewê
kewte beyanî ebê be xewê
kewate dinya xew ya xeyałe
şwên xew û xeyał kewtin betałe
şwênêkit bwê ke hêcgarî bê
dûr le bedkar û dił azarî bê
ewîş ewlaye û be dest mewlaye
to teqelay çît bem law bew laye?