’eybî xot zanî ewsa ẍeyb zanî
From the Book:
Pendekanî Pîremêrd
By:
Piramerd (1867-1950)
1 minutes
894 views
’eybî xot zanî ewsa ẍeyb zanî
ẍeybetit naken jinan le kanî
medḧî şa’îr û dostî ser sifre
le xiştet eben, gwêyan lê megre!
çaw le małî xełk mebře, ḧerame
beşî xot bes bê ḧełał betame
çawbiřkê meke, çawit ebiřn
perdediř mebe, perdet ediřn
to bizane eger zoryan lê kirdî
hatne małeket çiştêkyan birdî
çend pêt naxoşe, lay xełkîş waye
destit dirêj kird, kurtî le dwaye
bawcûd êsta dewran gořawe
tarîkeşewe û «cerde» le nawe
herçî eybînî fiřan fiřane
bu xoyşyan nîye, bu gewrekane
le meř efřênin, eydin be gurgan
ḧîzî mayepûç, be fiřkan fiřkan
emane hemûy bê îmanîye
le ayn ladan řêy şeytanîye
em bê dînye û xwanenasî
karî kirdote řuknî esasî