dwênê diłberêkim dî ke wek şimşadî bustane
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
2 minutes
436 views
dwênê diłberêkim dî ke wek şimşadî bustane
su’alim kird ke bo çî řût ełêy mangî direxşane
ewe memke we ya narince ya sêwî xurasane
ewe řûte we ya mange we ya xurşîdî tabane
ewe mujganî toye ya wekû tîrêkî diłdoze
ewe bałayî toye ya be qurban serwî bustane
ewe demte nîgar ya nuqteyî mewhûme ey dulber
ewe lêwe we ya yaqûte yaxo quwetî cane
ewe zułfî etoye wa ledewrî řût eda ḧełqe
we yaxo zułmetî kufre ledewrey nûrî îmane
emin bulbul, eto guł, sa bike řeḧmê be ḧałî dił
le daxî xałî řûy to ḧałekem yekcar perêşane
serim wek go le cêgey bazîya danawe ey cana
serî zułifit lebo çewganî bazî mîslî çewgane
be ḧerfî mudde’î qurban le min ’aciz nebî çake
řeqîbî segsîfet ḧîle û desîsey mîslî şeytane
diłim hawînsîfet bo dîdenîy yar germe emřo min
ema yarim le’astî min ełêy sermayî zistane
medû eḧmedPen name bexořayî, le te’rîfî nîgarî xot
hemû ’alem ezanê diłberit serxêłî xûbane