katê ke wityan bêstan berełda
From the Book:
Pendekanî Pîremêrd
By:
Piramerd (1867-1950)
1 minutes
625 views
katê ke wityan bêstan berełda
kuřukał têkřa eyken be hełda
eger zirkêkî kał bidoznewe
pelamar eden zû eyqoznewe
bêstan řin gurdî xoy lê girtuwe
le pêşda beşî xoy lê birduwe
êsta paşerok gêçeł egêřê
têr bo birsî têr siław enêrê
ke bêstanewan eme tê biga
namênê takû bêstan pê biga
be nahomêdî le kułîw û kał
herçî bo řêkewt eykate cewał
pêçkey dergakey ḧewşim swawe
le girêjeney xoy tirazawe
herçî ajełê ke le mała bûn
kirdyane qaře be carê derçûn
be gidî gidî nageřênewe
xerîkin le çem epeřênewe
nałên paşeřoj ke serma bizût
hełamet egrîn wa be serî řût
nazanîn beytî gurg û meř çîye
dûgî xom xoş bê xanûm bo çîye