xełqe wa fesłî behare û min gełařêzanme
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
1 minutes
652 views
xełqe wa fesłî behare û min gełařêzanme
pîrim û taze temennay wesłî gułřûyanme
wa mezane řoḧekem tenham le kuncî ’uzleta
’eksî řûy to meclîs’ara û zînetî eywanme
besyetî zahîd ḧîkayey cennet û řojî ceza
bergî xwênînim nîşane û ḧuccetî ẍufřanme
terkî kem çake beheştî bezmî canane îtir
çunke wek adem řeqîbî segsîfet şeytanme
ey nîgarî bê wefa ey şoxî hewramî neseb
dûr le to key meylî geştî gułşenî taranme
qametim ger wa xeme û ḧałim perêşane řefîq
têbge temsîlî ebro û perçemî cananme
ger biłêy destim kewê min xakî ber derganeket
key heway text û serîrî qeyser û xaqanme
herke dîm şewnim leser řuxsarî guł dwênê le baẍ
yadî řûy tom kird û boye arezûy giryanme