wiłaxî negrîs ke wa bar naba
From the Book:
Pendekanî Pîremêrd
By:
Piramerd (1867-1950)
1 minutes
740 views
wiłaxî negrîs ke wa bar naba
her barnebere bişçête kabe
zor ker le pyawî ker wiryatre
be woş ewestê guyêřayêłtire
gwê řadêr le lay xêwî nazdare
barneber beşî neqîze û dare
benî ademîş dîsan her waye
pyawî bekar û bedkaryan tyaye
bełam însan û ḧeywan wek yek nîn
zorî wa heye ke be şans ejîn
berbûne ’alem be gaz û leqe
hejar bêzare û cêgay pê leqe
keçî ebînî ewan lepêşin
têkřa em xełqe baryan ekêşin
min ełêm heway em şare waye
qedrî zordaryan zortir le laye
herçî boy hełkewt xoy le xoy gořî
bê desełatî, wa ḧełał xorî
gurgane şewê laylayemane
pyawxorekeş wa leber dergane
le mindałyewe beçe tirsênîn
bo şwên gurg kewtin pet epsênîn