çend xoşe însan xeyał perwer bê
From the Book:
Pendekanî Pîremêrd
By:
Piramerd (1867-1950)
1 minutes
921 views
çend xoşe însan xeyał perwer bê
be çawlêknanê, şay ḧewt kîşwer bê
zincîrî xîred le şan fiřê da
legeł zanayan neřwa be řêda
bê «ni’man» terḧî «xewrneq» danê
piř le mubîlya û ferş bê be anê
le suleymanî wek silêmanê
belqîsî bobê be çawlêknanê
ya le dwayîşda ba bê û xeyał bê
ke çaw hełbiřê boş û betał bê
emey xoştire lew dewłemende
ke dewłetekey awêkî mende
be xew û xeyał leberî nařwa
henasey xełk û daxî xoy le dwa
aw ke le berî neřwa egenê
mał neyxiwa, xełkî pê pêdekenê
ewe pêy ełên liẍawî şeytan
mareyî daykî paşay cinokan
«bizen ber sefî řendan» mepirse
pyawî qelender bê hîwa û tirse
girîman bûyte «hîtler» biřwane
kewte ber le’net biray şeytane